చెర్ల, 16 November
బళ్లారి తాలూకాలోని ఆంధ్రకర్ణాటక సరిహద్దు ప్రాంతంలో వెలసిన చేర్ల గురికి తాత ఆలయంలో కార్తీక మాసాన్ని పురస్కరించుకుని ఎర్రితాతకు ప్రత్యేక పూజా కార్యక్రమాలను భక్తిశ్రద్ధలతో నిర్వహించారు. ఈ సందర్భంగా వేద పండితుల మంత్రోచ్ఛారణల మధ్య స్వామివారికి విశేష రుద్రాభిషేకం చేశారు.
బళ్లారి తాలూకాలోని ఆంధ్రకర్ణాటక సరిహద్దు ప్రాంతంలో వెలసిన చేర్ల గురికి తాత ఆలయంలో కార్తీక మాసాన్ని పురస్కరించుకుని ఎర్రితాతకు ప్రత్యేక పూజా కార్యక్రమాలను భక్తిశ్రద్ధలతో నిర్వహించారు.
ఈ సందర్భంగా వేద పండితుల మంత్రోచ్ఛారణల మధ్య స్వామివారికి విశేష రుద్రాభిషేకం నిర్వహించారు. పాలు, పెరుగు, తేనె, నెయ్యి, కొబ్బరి నీరు తదితర పవిత్ర ద్రవ్యాలతో స్వామివారికి అభిషేకం చేసి, ప్రత్యేక అలంకరణ, అర్చనలు, హారతులు సమర్పించారు.
అనంతరం భక్తులు స్వామివారిని దర్శించుకుని మొక్కులు చెల్లించుకున్నారు. కార్తీక మాసంలో రుద్రాభిషేకం నిర్వహించడం విశేష పుణ్యప్రదమని, ప్రజలందరికీ ఆయురారోగ్యాలు, సుఖసంతోషాలు కలగాలని ప్రార్థించినట్లు నిర్వాహకులు తెలిపారు. ఈ కార్యక్రమంలో పెద్ద సంఖ్యలో భక్తులు పాల్గొని స్వామివారి తీర్థప్రసాదాలు స్వీకరించారు.

