అనంతపురం జిల్లా రాయదుర్గం నియోజకవర్గం పరిధిలోని మండల జడ్పీటీసీ ఎన్నికల్లో టీడీపీ రెబల్ అభ్యర్థిగా పోటీ చేసిన కే. మహేంద్ర తన గెలుపుపై ధీమా వ్యక్తం చేశారు. గురువారం జరిగిన ఎన్నికల్లో దాదాపు 37 వేల మంది ఓటు హక్కును వినియోగించుకున్నారు.
మండలంలోని 32 గ్రామాల్లో గత 15 రోజులుగా ప్రతి ఇంటికీ వెళ్లి ప్రచారం నిర్వహించామని మహేంద్ర పేర్కొన్నారు. పార్టీ బీఫామ్ విషయంలో అనూహ్య పరిణామాలు చోటుచేసుకుని జనసేన అభ్యర్థికి బీఫామ్ దక్కినప్పటికీ, స్థానిక ప్రజల అభ్యర్థన మేరకు రెబల్ అభ్యర్థిగా ఎన్నికల బరిలో నిలిచినట్లు తెలిపారు.
కుటుంబ నేపథ్యం
తన తండ్రి కొత్తపల్లి కిష్టప్పతో పాటు కుటుంబ సభ్యులు గత 3040 ఏళ్లుగా టీడీపీలో ఉంటూ ప్రజాసేవ చేస్తున్నారని తెలిపారు. తమ కుటుంబం చేసిన సేవలను గుర్తించిన ప్రజలు ఈ ఎన్నికల్లో తనకు మద్దతుగా నిలుస్తారని ఆశిస్తున్నట్లు తెలిపారు.
ఈ నెల 7న జరిగే ఓట్ల లెక్కింపులో ప్రజల ఆశీస్సులతో తనకు అనుకూలమైన ఫలితం వస్తుందని ఆశిస్తున్నట్లు కే. మహేంద్ర తెలిపారు.